Mawar kuning dudu kembangku, kapan wae meruhi kembang mawar kuning tansah ngelingake aku marang esemmu, marang soroting netramu sing kebak angen angen, pranyata tekan saiki aku isih nuduhake menawa pengarepku ngenteni awakmu, muktine awakmu dadi gembiraning atiku, sanadyan kuwi dadi tangis ono ing atiku saklawase,sanadyan kabeh mau tangeh lamun bisa kasembadan urip bebarengan karo awakmu.Tak eling eling surasamu sing pahit saksuwening uripku: Mawar Kuning Dudu Kembangku
Wis pirang tahun tak lakoni, nanging kudu isih sabar nerimo , napak tilas malem i'tikaf kang nentremake ati, koyo koyo aku weruh awakmu ing masjidku , tak sangga tak trima mergo aku ngerti kabeh ki takdir sing kudu tak lakoni, nyuwun pangapuro kangmas, ketoke nek kudu nglalekake awakmu , dalem mboten saged.
Kepengin banget aku nglalekake , caramu ngajak aku nang mesjid nek poso tarweh karo subuhan , caramu ngguyu, roso asihmu , sakabehe, kepengin aku nglalekake, ning aku ra iso, ketoke saklawase urip, anane ming gela, opo meneh nek arep poso ngene ki, Mas, tenane , Nyutran isih tansah ngawe aku, nekani awakmu sing wis ora ono neng ngomahmu, trus piye aku arep ketemu sliramu.
